هل تنصحوني بالاقداام لفرنسا

السلاااااااااام عليكم ورحمة الله وبركاااااااااته

اسعد الله اوقاتك الجميع بالسعادة والمسرااااااااات

تخصص Radiology

سؤالي لمن لديه علم يقين بمدى قوة هذا البرنامج في فرنساااا ؟

كم سنة البرنامج واي المدن بها البرنامج ؟

هل يوجد راتب عند العمل بالمستشفى ؟

هل اللغة والتعامل بها سهل بهذا التخصص ؟

باختصار هل تنصحوني بالاقداام لفرنسااا ولا اراجع حساباتي ؟؟

مع خالص ودي واحترامي

وعليكم السلام ورحمة الله .
وحياك في منتدانا المنتواضح . انتبه انا قلت في المنتدى الله يحيك وليس في فرنسا

بالنسبة للتخصص موجود في مدن كثير . وعرف واحد حيبدا الان
عبارة عن 5 سنوات - ( 3 سنوات فيها روتيشن بين الأقسام كل 6 اشهر - واخر سنتنين تختار التخصص اللي تبغاه)

بالنسبة للغة تراها مش سهله - ( صعبببببببة) . والشعب متمسك بلغته

السكن صعب وغالي وشروطهم كثيره ( والأغلب منهم يطلب منك كفيل فرنسي)

بالنسبة للمستشفى - يعطوك حوالي 1350 يورو

يعني بالعربي لو عندك قبول في دولة تانية احسن لك روح - اما لو مجبر اخاك ( فالله يحييك معانا )

بالتوفيق

اخوك عمدة ليون

نعم لو عندك قبول في بلد تاني روح

بس السبب هو حاجز اللغة البغيض فقط

ولا يخلو الامر من بعض المشاكل الادارية المحلولة باذن الله

وبرضو المبتعثين في البلدان الاخرى عندهم مشاكل قد تزيد او تنقص عن مشاكلنا ولاكنها لا تزال مشاكل

استخير الله واستشير الناس فلا خاب من استخار واستشار

وعلى التقصير ...... سامحونا

سؤالك صعب يا أخوي
لكن صل الإستخارة
و الله يوفقك

انا بدأت الراديولوجي من شهر ................

صراحه ... حاجز اللغه كبيير جدا جدا جدا جدا جدا جدا جدا جدا جدا جدا .......

النظام هنا حلو نوعا ما ... بس المستوي مش قوي ...

عندك هنا خمس سنوات ... ثلاثه عامه تتنقل بين الاقسام ( قسم اشعه عامه كبار .. قسم اشعه اطفال .. قسم اشعه اعصاب ) طبعا في كل قسم اقسام فرعيه .. الانجيو و الانفيزيف .....

و بعدين عندك سنتين تختار فيها .. ايوه و في سنه تاخذ فيها اي حاجه غير الراديولوجي ... اظنها من ضمن السنتين او الثلاثه صراحه لسه ما اكتشفت .. العاده هم ياخذوها نيوكلير مدسن ..

محد يقلك سوي حاجه او ليه او لا تتوقع احد يعلمك ... يسيبوك لحالك و يقولولك سوي للمريض ايكو و اذا عندك سؤال الاخصائي في الغرفه الى جنبك اسألو .. مع السلامه .. تلاقي نفسك مع مريض يطالع فيك و يبدأ يتكلم ( و انتا مش فاهم هو بيقول ايه ) و الركويست ( طبعا خير انك فهمت انهم طالبين ايكو رينال .. بس الكلام الثاني ابن ابوك تقدر تفوك الخط و اذا فكيت الخط ابن ابوك تعرف الطلاسم و الاختصارات ) .. و بعدين عليك تسوي دكتيشن ... و تطليك السكرتيره عشانها طبعا ما فهمت من كلامك اي شيئ .. و عليك طبعا تملى الفراغات في التقرير ..

طبعا القرار الاول و الاخير لك ... بس نصيحه اذا لقيت مكان بالانجليزي روحو من دون ما تفكر .. او عليك انك تخترع اله زمن و ترجع للماضي و تقنع ابوك يتجوز فرنسيه و يعيش في فرنسا حتي يصير عمرك 15 . .. عشان تقدر تتكلم فرنسي كويس ...

صراحة اقتراح - انه محد يبدا البرنامج لاي نوع من التخصصات الا بعد مرور سنة على الأقل -